Trent fær ekki að byrja á Anfield

Englendingurinn Trent Alexander-Arnold byrjar á bekknum hjá Real Madrid sem mætir hans gömlu félögum í Liverpool í Meistaradeild Evrópu í fótbolta á Anfield klukkan 20.

Alexander-Arnold er uppalinn hjá Liverpool og varð tvívegis enskur meistari með liðinu áður en hann skipti yfir til Madrídar fyrir þetta tímabil.

Bakvörðurinn hefur glímt við meiðsli á tímabilinu og verður að sætta sig við sæti á bekknum á gamla heimavellinum.

• Blogga um frétt