Eygló komin með sitt annað gull
Setja bókamerki
Eygló Ósk Gústafsdóttir vann önnur gullverðlaun sín á Smáþjóðaleikunum í San Marínó í dag þegar hún sigraði í 100 metra baksundi.
Tími Eyglóar var 1:01,67 mínútur, sem er um einni og hálfri sekúndu frá Íslandsmeti hennar sem staðið hefur í tæp tvö ár. Eygló fékk einnig gull í 200 metra baksundi í gær.
Þá vann Davíð Hildiberg Aðalsteinsson til bronsverðlauna í 100 metra baksundi karla, en tími hans var 57,50 sekúndur. Kristinn Þórarinsson varð sjötti á 58,56 sekúndum. Íslandsmetið á Örn Arnarson, 54,75 sekúndur, sem staðið hefur frá árinu 2001.
Í 400 metra skriðsundi hafnaði Sunneva Dögg Friðriksdóttir í fimmta sæti á tímanum 4:27,66 mínútum, en á eftir henni kom svo Bryndís Bolladóttir á 4:30,88 mínútum. í karlaflokki hafnaði Þröstur Bjarnason í 5. sæti á tímanum 4:08,00 mínútum og sjöundi varð Hafþór Jón Sigurðsson á 4:10,79 mínútum.
Sáttur við sína stöðu og finnur fyrir meðbyr
„Við erum ekki að refsa fólki fyrir að vinna“
Átta morðmál á aðeins tólf mánuðum
Myndskeið: „Fólk var komið ískyggilega nálægt“
Áverkar bentu til manndráps
Mest spennandi kosningar í áratugi
Baldur: „Ég ætla að svara þessu kalli“