HK vann öruggan 3:0-sigur á Aftureldingu í Mizuno-deild karla í blaki í gær. Sigurinn var nokkuð öruggur, 25:22, 25:15 og 25:15. Gary House, leikmaður HK var stigahæstur með 14 stig og Andreas Hilmir Halldórsson bætti við 12 stigum. Alexander Stefánsson skoraði mest í liði Aftureldingar, 10 stig.
Spennan var öllu meiri í Neskaupstað þar sem Þróttur Nes fékk heimsókn frá KA. Svo fór að Þróttur vann 3:2 sigur, 25:23, 27:25, 24:26, 24:26 og 15:11. Leikurinn tók rúma tvo klukkutíma og var hann æsispennandi frá fyrstu mínútu.
Miguel Mateo Castrillo átti stórleik hjá Þrótti og skoraði 35 stig. Jorge Emanuel Basualdo kom þar á eftir með 18 stig. Hjá KA var Quentin Moore stigahæstur með 27 stig.