Róbert Ísak Jónsson, Sundfélaginu Firði, vann sjómannabikarinn þriðja árið í röð á árlega Nýárssundmóti fatlaðra barna og unglinga sem fram fór í Laugardalslaug í dag.
Sjómannabikarinn hlýtur sá keppandi mótsins sem náði besta sundafrekinu. Þetta er í 35. sinn sem bikarinn er veittur á mótinu. Lilja Alfreðsdóttir, mennta- og menningarráðherra var heiðursgestur mótsins og veitti hún Róberti bikarinn.