Afturelding vann góðan 3:1-útisigur á Þrótti Nes í Mizuno-deild karla í blaki í dag. Liðin mættust einnig í gær og þá hafði Þróttur betur, 3:1.
Afturelding fór betur af stað og vann fyrstu tvær hrinurnar, 26:24 og 25:13. Þróttur minnkaði muninn með því að vinna þriðju hrinuna, 25:20, en Afturelding tryggði sér sigurinn með 25:15 sigri í fjórðu hrinu.
Með sigrinum fór Afturelding upp í níu stig, tveimur stigum á eftir Þrótti, en liðin verma tvö neðstu sætin.