Afar naumt tap gegn Ísrael
Setja bókamerki
Íslenska kvennalandsliðið í badminton þurfti að sætta sig við svekkjandi 3:2-tap gegn Ísrael á EM í Kazan í dag. Íslandsmeistarinn Margrét Jóhannsdóttir steig fyrst íslensku kvennanna á svið og mætti Dana Danilenko. Eftir spennandi viðureign hafið Danilenko betur, 2:1. Margrét vann fyrstu lotuna 21:19 en sú ísraelska svaraði með 21:17-sigrum í næstu tveimur lotum.
Sigríður Árnadóttir mætti Yuval Pugach í næstu viðureign og nældi Sigríður í fyrsta íslenska sigurinn á mótinu er hún vann 2:0, 21:15 og 21:18. Anna Karen Jóhannsdóttir tapaði hins vegar naumlega í næstu viðureign er hún mætti Margeret Lurie. Eftir spennandi leik hafði sú ísraelska 2:0-sigur með 24:22 og 21:18-sigrum í lotunum tveimur.
Í tvíliðaleik tókst þeim Sigríði og Margréti að jafna viðureignina í 2:2 með öruggum 2:0-sigri á Yana Molodezki og Pugach. Sigurinn var aldrei í hættu og fóru loturnar 21:13 og 21:7. Því var leikur Þórunnar Eylands og Önnu Karenar Jóhannsdóttur gegn Danilenko og Yurie úrslitaleikur um sigurinn í einvíginu. Þær ísraelsku unnu tvær lotur 21:16 og þar með leikinn 2:0. Ísrael vann því þrjá leiki gegn tveimur.
Fiskikóngurinn: „Mér fannst sárt að heyra það“
„Þetta náttúrulega endar með ósköpum“
Mest spennandi kosningar í áratugi
„Okkur miðar í rétta átt“
Búið að bólusetja börn alla helgina
„Skýr skilaboð til Seðlabankans“
Áköf mótmæli í bandarískum háskólum