Þjóðverjar reyndust of sterkir á EM

Kári Gunnarsson keppir fyrir Íslands hönd í Kazan.
Kári Gunnarsson keppir fyrir Íslands hönd í Kazan. mbl.is/Golli

Íslenska karlalandsliðið í badminton mátti þola 5:0-tap gegn því þýska á Evrópumótinu í Kazan, Rússlandi, í dag. Viðureignin var liður í 1. umferð mótsins.

Kári Gunnarsson mætti Marc Zweibler í fyrsta leik. Zweibler vann báðar loturnar 21:10 og vann því 2:0-sigur. Kristófer Darri Finnsson var næstur á svið er hann mætti Kai Schafer. Schafer vann einnig 2:0-sigur, 21:11 og 21:7. Daníel Jóhannsson mætti svo Alexander Roovers og fór sá leikur 2:0 fyrir Roovers, 21:9 og 21:6. 

Í tvíliðaleik mættu Davíð Bjarni Björnsson og Kristófer Darri Finnsson þeim Peter Kaesbauer og Max Weisskirchen og máttu þeir íslensku þola 2:0-tap, 21:7 og 21:12. Loks mættu þeir Kári og og Daníel þeim Jones Ralfy Jansen og Josche Zurwonnne og höfðu þeir þýsku betur, 2:0, eftir 21:14 og 21:7-sigra í lotunum tveimur.

mbl.is