Bandaríski snjóbrettakappinn Shaun White tryggði sér í nótt sæti í sögubókum Vetrarólympíuleikanna eftir að hann vann gull í snjóbrettakeppni í hálfpípu á ÓL í Pyeongchang.

White varð með þessu sá fyrsti sem vinnur þrenn gullverðlaun í snjóbrettakeppni leikanna, en hann var einnig efstur á palli á Vetrarólympíuleikunum 2006 og 2010.

White er í dag 31 árs gamall og var því 19 ára þegar hann hrósaði sigri árið 2006. Eftir sigurinn í nótt fór gamalt viðtal við hann á flug sem tekið var eftir hans fyrsta gull, þegar hann lýsti því í viðtali við CNN að í fluginu aftur til Bandaríkjanna hefði áhöfnin hreinlega borið í hann drykkina.

Spyrillinn furðaði sig á því enda var White þá undir lögaldri, en hann bjargaði sér frábærlega út úr aðstæðunum eins og sjá má í meðfylgjandi myndskeiði.

Tengdar fréttir

Vetrarólympíuleikar 2018

Lokaathöfn Vetrarólympíuleikanna - myndasyrpa

• Sú sigursælasta fékk síðasta gullið
• Rússar fögnuðu eftir framlengingu
• Snorri mun bera fána Íslands
• Heimamenn atkvæðamiklir í skautaati

» Fleiri tengdar fréttir

• Blogga um frétt