Norðmenn tóku gullið í 4x5 kílómetra boðgöngu kvenna á Vetrarólympíuleikunum í Pyeongchang í Suður-Kóreu en Svíar, sem tóku gullið 2014, urðu að láta sér nægja silfrið að þessu sinni.
Hin 37 ára Marit Bjørgen vann þar með sína 13 medalíu í sögu Vetrarólympíuleikanna og þá þriðju í ár og hefur þar með jafnað met samlanda síns, Ole Einar Bjørndalen.
Bronsverðlaunin fóru til keppenda frá Rússlandi.