Bikarkeppnin í borðtennis fór fram í TBR-íþróttahúsinu í gær, en alls voru tíu lið skráð til leiks að þessu sinni. Eftir harða keppni voru það lið Víkings A og Víkings B sem léku til bikarúrslita.
Lið Víkings A er skipað Magnús Hjartarsyni, Magnúsi K. Magnússyni og Stellu Kristjánsdóttur og lið Víkings B er skipað Sindra Þór Sigurðssyni, Inga Darvis og Þórunni Árnadóttur.
Leikir liðanna í bikarúrslitaleiknum voru bæði skemmtilegur og spennandi þar sem mjög góður borðtennis var leikinn. Að lokum sigraði A-lið Víkings, en lokatölur urðu 4:3 Víkingi A í vil. Úrslit í einstaka leikjum í úrslitaviðureigninni má sjá hér að neðan.
1. Magnús K Magnússon - Sindri Þór Sigurðsson: 6:11, 10:12,11:13.
2. Magnús Hjartarson - Ingi Darvis: 8:11, 11:7, 11:9, 11:13, 9:11.
3. Stella Kristjánsdóttir - Þórunn Árnadóttir: 11:8, 11:9, 11:6.
4. Magnús H. og Magnús K. - Sindri og Ingi Darvis: 11:8, 4:11, 6:11,6:11.
5. Magnús H. og Stella - Sindri og Þórunn: 8:11, 11:8, 12-10, 11-4.
6. Magnús K. Magnússon - Ingi Darvis: 3:11, 11:9, 8:11, 11:4, 11:4.
7. Magnús Hjartarson - Sindri Sigurðsson: 9:11, 11:6, 11:7, 11:7.