Samuel komst líka á pallinn

Íslensku keppendurnir á Opna sænska meistaramótinu með verðlaun sín.
Íslensku keppendurnir á Opna sænska meistaramótinu með verðlaun sín.

Samuel Josh Amos krækti í fimmtu verðlaun Íslendinga á Opna sænska meistaramótinu í karate í dag þegar hann fékk bronsverðlaunin í -57 kg flokki karla.

Samuel sigraði fyrst Okan Kanturovski frá Danmörku, 2:1, en Daninn hafði betur gegn honum í úrslitaviðureign á móti í Amsterdam fyrir skömmu. Samuel tapaði fyrir Svíanum Johanes Bekic, 3:2, og keppti því við Bastian Ahlmann um bronsverðlaunin. Samuel sigraði þar, 8:0.

Lóa Björg Finnsdóttir keppti einnig í dag og tapaði naumlega fyrir Clöru List frá Danmörku, 3:4. Hún fékk uppreisnarbardaga gegn Hani Mirzadeh frá Noregi, sem tapaðist einnig með einu stigi, 4:5.

mbl.is