Kári Gunnarsson, Íslandsmeistari í badmintoni, er úr leik í einliðaleik á Evrópumótinu á Spáni. Hann mátti þola 2:0-tap fyrir Íranum Nhat Nguyen í 1. umferðinni í dag, 21:16 og 21:17.
Leikurinn tók 36 mínútur og var Írinn með undirtökin nánast allan tímann þó Kári hafi átt fína spretti þess á milli.
Kári er í 443. sæti á heimslistanum og Nguyen í 86. sæti og var Írinn því sigurstranglegri áður en leikurinn hófst.