Blaksamband Íslands hefur ráðið Emil Gunnarsson í starf landsliðsþjálfara kvennalandsliðsins í blaki. Emil hefur verið aðstoðarþjálfari liðsins undanfarin ár og hefur gríðarlega reynslu í þjálfun.
Ráðningarsamningur Emils er fram yfir Smáþjóðaleikana í Svartfjallalandi á næsta ári en fjölmörg verkefni eru fram undan á þessu rúma ári. Enn á eftir að ganga frá ráðningu aðstoðarþjálfara en gengið verður frá því á næstu vikum. Mundína Ásdís er sjúkraþjálfari liðsins og þá er Ólafur Jóhann Júlíusson í teyminu sem leikgreinandi.
Æfingahópur kvennalandsliðsins verður tilkynntur á næstu dögum en liðið er að hefja undirbúning fyrir leiki í Evrópumótinu í ágúst.