Sindri Hrafn og Dagbjartur bættu sig
Setja bókamerki
Spjótkastararnir ungu, Sindri Hrafn Guðmundsson og Dagbjartur Daði Jónsson, bættu sinn fyrri árangur verulega á alþjóðlegu frjálsíþróttamóti í Jena í Þýskalandi um helgina.
Sindri Hrafn, sem er 23 ára gamall, kastaði spjótinu 80,91 metra og bætti sinn fyrri árangur um 32 sentímetra. Dagbjartur Daði, sem er tveimur árum yngri en Sindri Hrafn, kastaði spjótinu lengst 76,19 metra en átti best fyrir 72,22 metra frá því í maí á þessu ári.
Með árangri sínum komst Sindri Hrafn upp í þriðja sæti á afrekslista íslenskra spjótkastara frá upphafi. Aðeins Einar Vilhjálmsson, Íslandsmethafi, og Sigurður Einarsson hafa náð betri árangri. Einar 86,80 metra og Sigurður 84,94 metra. Sindri Hrafn var í fimmta sæti fyrir helgina en komst upp fyrir Guðmund Sverrisson, 80,66 metra, og Sigurð Matthíasson, 80,50 metra, með árangri sínum í Jena.
Dagbjartur Daði færðist upp í 7. sæti úr 10. sæti á afrekslista íslenskra spjótkastara.
Kveðst tala af virðingu: „Ég er enginn dóni“
Benda á Samgöngustofu sem bendir út í heim
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“
„Tíminn er runninn út fyrir Kristján Loftsson“
Aukin tíðni þungunarrofa hjá yngsta aldurshópnum
Ofsóttur innan veggja Boeing