Íslandsmet í Tuscon

Íslenskir keppendur voru að ljúka keppni á heimsbikarmótinu í skotfimi í Tucson í Bandaríkjunum. Sigurður Unnar Hauksson náði heldur betur að rétta úr kútnum eftir slæman fyrsta hring og endaði á 116 stigum í 34. sæti (18-24-25-25-24).

Stefán Gísli Örlygsson hafnaði í 37.sæti með 115 stig (24-20-23-23-25) og Hákon Þ. Svavarsson varð í 48. sæti með 113 stig (24-21-22-23-23) en alls voru það 60 keppendur sem luku keppni.

Árangur liðsins er nýtt Íslandsmet, 344 stig en gamla metið var 339 stig sem landslið Íslands setti á HM í Lonato á Ítalíu 2015.

• Blogga um frétt