Þýska tenniskonan Angelique Kerber hafði betur gegn Serena Williams í úrslitaleik í kvennaflokki á Wimbledon-mótinu í dag.
Kerber vann í tveimur settum, 6:3 og 6:3, og kom í veg fyrir að Williams jafnaði heimsmet Margaret Court yfir sigra á risamótum, en Williams hefur unnið 23 risamót á ferlinum.
Williams var hins vegar aðeins að leika á fjórða mótinu sínu eftir að hún eignaðist barn og var Kerber sterkari frá byrjun og vann sitt þriðja risamót á ferlinum.