Kári Gunnarsson úr TBR komst í kvöld í 8-manna úrslit í einliðaleik á Yonex/K&D Graphics International Series mótinu sem fram fer í Kaliforníu í Bandaríkjunum.
Kári hafði betur gegn Bandaríkjamanninum Calvin Lin og þurfti aðeins tvær lotur til þess 21:14 og 21:15.
Kári mætir Sheng Lyu í 8-manna úrslitum á morgun en Sheng er einnig frá Bandaríkjunum líkt og Calvin.
Kári var fyrir mótið í 220. sæti heimslistans en þeir Lin og Lyu eru aftar á listanum.