Um helgina fór fram Íslandsmót Skotíþróttasambands Íslands í haglabyssugreininni skeet á velli Skotfélags Reykjavíkur á Álfsnesi. Í karlaflokki varð Sigurður Unnar Hauksson Íslandsmeistari en í kvennaflokki stóð Snjólaug María Wium Jónsdóttir uppi sem sigurvegari.
Í liðakeppni karla varð sveit Skotíþróttafélags Suðurlands Íslandsmeistari en hana skipuðu Hákon Þ. Svavarsson, Jakob Þ. Leifsson og Aðalsteinn Svavarsson. Í liðakeppni kvenna setti lið Skotfélags Reykjavíkur nýtt Íslandsmet en sveitina skipa Dagný H. Hinriksdóttir, Eva Ósk Skaftadóttir og Þórey Inga Helgadóttir.
Íslandsmeistari í unglingaflokki varð Daníel Logi Heiðarsson úr Skotfélagi Akureyrar. Í flokki öldunga varð Davíð Ingason úr Skotíþróttafélagi Suðurlands Íslandsmeistari.