Stefán og Snjólaug bikarmeistarar

Snjólaug María Jónsdóttir og Stefán Gísli Örlygsson.
Snjólaug María Jónsdóttir og Stefán Gísli Örlygsson. Ljósmynd/Skotíþróttasamband Íslands

Bikarmót Skotíþróttasambands Íslands og SR-OPEN-mótið fóru fram á velli Skotfélags Reykjavíkur á Álfsnesi um helgina.

Bikarmeistari í karlaflokki varð Stefán Gísli Örlygsson úr Skotfélagi Akraness, í öðru sæti á mótinu varð Pétur T. Gunnarsson úr Skotíþróttafélagi Hafnarfjarðar og í þriðja sæti Sigurður Unnar Hauksson úr Skotfélagi Reykjavíkur.

Í kvennaflokki varð Snjólaug María Jónsdóttir úr Skotfélaginu Markviss bikarmeistari, í öðru sæti varð Þórey Inga Helgadóttir úr Skotfélagi Reykjavíkur og Dagný Huld Hinriksdóttir úr Skotfélagi Reykjavíkur í því þriðja.

Í unglingaflokki sigraði Ágúst Ingi Davíðsson úr Skotíþróttafélagi Suðurlands og í öðru sæti varð Daníel Logi Heiðarsson úr Skotfélagi Akureyrar.

Í A-flokki á SR-OPEN-mótinu sigraði Hákon Þ. Svavarsson úr Skotíþróttafélagi Suðurlands, annar varð Stefán Gísli Örlygsson úr Skotfélagi Akraness og í þriðja sæti Sigurður Unnar Hauksson úr Skotfélagi Reykjavíkur.

Í B-flokki sigraði Helga Jóhannsdóttir úr Skotíþróttafélagi Suðurlands, unglingurinn Ágúst Ingi Davíðsson úr Skotíþróttafélagi Suðurlands varð annar og í þriðja sæti varð Snjólaug María Jónsdóttir úr Markviss. 

Jafnframt voru efstu keppendur Skotfélags Reykjavíkur sæmdir Reykjavíkurmeistaratitlum og voru það þau Sigurður Unnar Hauksson og Dagný Huld Hinriksdóttir.

mbl.is