Lindsey Vonn, sigursælasta skíðakona frá upphafi, verður ekki með þegar heimsbikarinn í alpagreinum hefst vegna hnémeiðsla sem hún varð fyrir á æfingu í Colorado.
Vonn er 34 ára og hefur lýst því yfir að keppnistímabilið sem senn fer í hönd verði hennar síðasta á ferlinum en hún hefur fengið sinn skerf af meiðslum á síðustu árum.
Vonn hefur lagt hart að sér á undirbúningstímabilinu til þess að ljúka ferlinum með stæl í vetur. Ef henni tækist vel upp þá er enn sá möguleiki til staðar að hún slái met Svíans Ingimars Stenmarks varðandi flesta sigra á heimsbikarmótum. Hún þarf að sigra á fjórum mótum í vetur til að jafna við sænsku goðsögnina og þarf því fimm sigra til að verða sú sigursælasta frá upphafi. Ljóst er að líkurnar á því hafa minnkað verulega við þetta bakslag.
Vonn mun í það minnsta missa af fyrstu þremur mótunum í Kanada vegna meiðslanna en segist ekki þurfa að gangast undir aðgerð vegna meiðslanna.
Yesterday I crashed training Super-G and hurt my knee. The good news; I do NOT need surgery. The bad news; I won’t be able to race in Lake Louise. LL has always been my favorite stop on the WC and I am devastated to not be coming this year.I am down but I am NOT out! #nevergiveup
— lindsey vonn (@lindseyvonn) November 20, 2018