Íshokkísamband Íslands fékk 9,2 milljónum úthlutað úr Afrekssjóði ÍSÍ vegna styrkveitinga fyrir árið 2018.
ÍHÍ fékk 4,9 milljónir úr Afrekssjóði fyrir árið 2017 og hækkaði styrkurinn því umtalsvert á milli ára.
„ÍHÍ heldur úti starfi fjögurra landsliða sem taka öll þátt í heimsmeistaramótum á hverju ári. Stendur sambandið fyrir landsliðsæfingum í undirbúningi verkefna og hefur æfingum fjölgað á síðustu misserum og umgjörð í kringum afreksstarfið verið bætt. Með styrkjum Afrekssjóðs ÍSÍ gefst sambandinu tækifæri á að undirbúa landsliðin enn frekar fyrir þau vekefni sem eru á dagskrá,“ segir meðal annars í tilkynningu frá ÍSÍ.