Fremur óvænt tíðindi berast frá Noregi þess efnis að skíðagöngumaðurinn og Íslandsvinurinn Petter Northug hafi ákveðið að hætta keppni aðeins 32 ára gamall.
Northug hefur um árabil verið í fremstu röð í heiminum og er tvöfaldur ólympíumeistari og þrettánfaldur heimsmeistari. Auk þess státar hann af átján sigrum á heimsbikarmótum.
Northug kom til Íslands í fyrra og keppti í Fossavatnsgöngunni á Ísafirði fyrir um einu og hálfu ári síðan.