Hlynur fagnaði sigri á nýju Íslandsmeti

Hlynur Andrésson, til hægri.
Hlynur Andrésson, til hægri. mbl.is/Árni Sæberg

ÍR-ingurinn Hlynur Andrésson keppti í 3.000 metra hlaupi í Belgíu á laugardaginn þar sem hann bar sigur úr býtum.

Tíminn hans var 8:08,24 mínútur og er það nýtt Íslandsmet. Fyrra metið var 8:10,94 mínútur sem Kári Steinn Karlsson átti frá árinu 2007. Hlynur hefur hlaupið vegalengdina á 8:02,08 mínútum en ekki á löglegri braut og því gildir það ekki sem Íslandsmet.

Hlynur berst við að ná lágmarki á EM innanhúss sem fram fer 1.-3. mars í Glasgow í Skotlandi en lágmarkið í 3.000 metra hlaupi er 8:05,00 mínútur.

mbl.is