Bandaríska ruðningsliðið Empire State Wolfpack frá New York er komið til landsins og mætir Einherjum í Kórnum í Kópavogi annað kvöld.
Að sögn Einherjamanna er þetta sterkasti andstæðingur sem þeir hafa mætt hingað til, og jafnframt fyrsta bandaríska liðið sem kemur til landsins, en Einherjar hafa farið frekar létt með evrópska mótherja sína sem sótt hafa þá heim undanfarna mánuði og misseri. Viðureignin hefst kl. 19.30 annað kvöld í Kórnum.
Lið Wolfpack æfði í Kórnum í dag og Árni Sæberg ljósmyndari mbl.is tók þesssar myndir af Bandaríkjamönnunum. Fjallað er nánar um leikinn í Morgunblaðinu í fyrramálið.