Geysilega óvænt úrslit urðu í einliðaleik kvenna á Opna BNP Paribas mótinu í tennis í Kaliforníu þegar hin 18 ára gamla Bianca Andreescu sigraði.
Andresscu lagði að velli Angelique Kerber 6:4, 3:6 og 6:4 í úrslitaleiknum en Kerber hefur þrívegis sigrað á risamótum og þekkt stærð í íþróttinni.
Frammistöðunar vegna spá nú margir að ný stjarna sé að verða til í tennisíþróttinni en með sigrinum fer hin kanadíska Andresscu uppí 24. sæti á stigalista WTA mótaraðarinnar.
Ekki ætti að vera vandamál fyrir Andresscu að einbeita sér að íþróttinni eftir þennan sigur því hún fékk í verðlaunafé liðlega 160 milljónir íslenskra króna.