Fimleikastjarnan Simone Biles frá Bandaríkjunum hóf keppnistímabilið um helgina í Þýskalandi og sigraði í fjölþraut á heimsbikarmóti í Stuttgart. Biles sigraði með nokkrum yfirburðum en hún hafði ekki keppt á heimsbikarmóti í fjögur ár.
Biles er 22 ára gömul og var ein skærasta stjarna Ólympíuleikanna í Ríó árið 2016. Næstu leikar fara fram í Tókíó sumarið 2020 og verður Biles að teljast sigurstrangleg.
Biles fékk 58,8 stig fyrir sínar æfingar og var 3,5 stigum fyrir ofan næsta keppanda sem var Ana Padurariu frá Kanada.
Í meðfylgjandi myndskeiði má sjá æfingar Biles á tvíslá.
A beautiful performance from @Simone_Biles on the uneven bars to keep her in first place at #Stuttgart2019! 🌟 pic.twitter.com/FBPUU2iMwH
— #TokyoOlympics (@NBCOlympics) March 17, 2019