Furðuleg staða kom upp í undanúrslitaleik KA og Þróttar Neskaupstað í Kjörís-bikar karla í blaki í Digranesi í gær þar sem aðaldómari leiksins, Zdravko Demirev, er þjálfari Álftaness sem fyrr um daginn tryggði sér sæti í úrslitaleiknum.
Í frétt Blakfrétta.is segir að nóg hafi verið af dómurum á svæðinu og því hafi Blaksambandið ekki þurft á kröftum Demirev að halda. Þá segir einnig að frammistaða hans hafi verið góð og að hún hafi ekki haft áhrif á úrslit leiksins.
Úrslitaleikurinn fer fram í Digranesi klukkan 15:30 í dag.