Arnar Pétursson bar sigur úr býtum í hálfu maraþonhlaupi sem fram fór í Duisburg í Þýskalandi um nýliðna helgi.
Arnar kom í mark á 1:06,22 klst. og setti nýtt brautarmet en þetta er annar besti tími Íslendings í vegalengdinni. Aðeins Kári Steinn Karlsson á betri tíma, 1:04,55 klst.
Hlaupið var liður í undirbúningi Arnars fyrir heilt maraþon sem hann mun keppa í í Rotterdam í Hollandi í næsta mánuði.