KA og HK mætast í oddaleik um Íslandsmeistaratitil kvenna í blaki en leikurinn hefur nú verið færður fram á mánudag að ósk félagnna. Til stóð að oddaleikurinn yrði spilaður miðvikudaginn 24. apríl næstkomandi en honum hefur nú verið flýtt um tvo daga.
Leikurinn fer fram í KA-heimilinu á Akureyri og hefst klukkan 16. KA vann fyrstu tvo leikina en HK hefur svarað í síðustu tveimur leikjum og er staðan því 2:2 í einvíginu.