Boston Bruins sem á marga stuðningsmenn hérlendis gæti verið á leið í úrslitin um Stanley-bikarinn í NHL-deildinn í íshokkí. Liðið er 2:0 yfir í undanúrslitum.
Boston er 2:0 yfir gegn Carolina Hurricanes sem kemur frá Norður-Karólínuríki. Næsti leikur verður á heimavelli Carolina.
Í hinni undanúrslitarimmunni er staðan jöfn 1:1 hjá San Jose Sharks sem er í Kaliforníu og St. Louis Blues. Næsti leikur verður í St. Louis.
Boston Bruins vann Stanley-bikarinn síðast árið 2011 og hefur alls sex sinnum sigrað. Carolina Hurricanes sigraði síðast árið 2006.
Hvorki San Jose né St. Louis hafa unnið Stanley-bikarinn.
Í fyrra sigraði Washington Capitals.