Forsvarsmenn Opna ítalska mótsins í tennis kveinka sér nú undan seinheppni sinni en tvær af stærstu tennisstjörnum heims hafa þurft að draga sig út úr mótinu vegna meiðsla.
Hin danska Caroline Wozniacki hætti keppni í miðjum leik í 1. umferð mótsins vegna meiðsla í fæti. Serena Williams frá Bandaríkjunum hefur nú dregið sig úr keppni eftir aðeins eina umferð en hún átti að mæta systur sinni, Venus, í 2. umferð einliðaleiksins.
Serena Williams, sem er ein sigursælasta tenniskona frá upphafi, glímir við hnémeiðsli samkvæmt tilkynningu en þau eru ekki talin alvarleg til lengri tíma litið.