Undanúrslit Íslandsmóts utanhúss í tennis fóru fram á tennisvelli Víkings í Fossvogi. Í karlaflokki tryggði Birkir Gunnarsson sér sæti í úrslitum með öruggum sigri á Björgvin Atla Júlíussyni, 6:0 og 6:2. Raj K. Bonifacius vann Valdimar Kr. Hannesson í hinum undanúrslitaleiknum, 7:5 og 6:2.
Í kvennaflokki mætast Anna Soffia Grönholm og Hera Björk Brynjarsdóttir í úrslitum annað árið í röð. Anna Soffia vann Sofíu Sóley Jónasardóttur í undanúrslitum í dag, 6:4 og 6:2. Á sama tíma hafði Hera betur á móti Selmu Dagmar Óskarsdóttur, 6:4 og 6:1.
Úrslitaleikirnir fara fram á morgun og hefjast þeir kl. 11.