Erna Sóley Gunnarsdóttir komst örugglega í úrslit í kúluvarpi á Evrópumóti U20 í frjálsíþróttum í Borås í Svíþjóð en hún varð efst í sínum riðli.
Erna kastaði lengst 15,85 metra og var nokkuð fyrir ofan næstu keppendur í B-riðlinum og önnur alls í undankeppninni en Jorinde van Klinken frá Hollandi kastaði lengst allra, 16,90 metra. Erna kastaði 15,04 og 15,08 metra úr fyrstu tveimur köstum sínum.
Úrslitin fara fram klukkan 8:30 á morgun.