Erna Sóley Gunnarsdóttir varð í dag Norðurlandameistari í kúluvarpi á Norðurlandamóti 19 ára og yngri í Kristiansand, Noregi.
Erna kastaði 15,85 metra og setti nýtt mótsmet í leiðinni, en hennar besta kast til þessa er 16,13 metrar.
Ísland hefur nú unnið tvenn gullverðlaun á mótinu, en í gær vann Kristján Viggó Sigfinnsson hástökk.
Erna er búin að eiga gott ár og vann hún m.a til bronsverðlauna á EM U20 ára fyrr í sumar.