Breskur lögregluþjónn hefur verið ákærður fyrir morðið á fyrrverandi knattspyrnumanninum Dalian Atkinson. Hann lék meðal annars með Aston Villa í ensku úrvalsdeildinni í upphafi tíunda áratugar síðustu aldar og lést eftir hjartaáfall sem hann fékk í kjölfar þess að lögreglumenn skutu hann með rafbyssu fyrir þremur árum.
Atkinson var 48 ára þegar hann lést.
Fram kemur í frétt BBC að lögregluþjónar hafi verið kallaðir að heimili föður Atkinson fyrir þremur árum vegna manns sem var sagður sýna af sér ógnandi hegðun.
Hinn lögregluþjónninn hefur verið ákærður fyrir líkamsárás.
Eftir að hafa haldið aftur af Atkinson skaut lögreglumaður á hann með rafbyssu. Atkinson var fluttur á spítala en hann lést 90 mínútum eftir komuna þangað. Dánarorsökin var hjartastopp sem var afleiðing af rafbyssuskoti lögreglumanns.
Atkinson lék meðal annars með Ipswich Town, Sheffield Wednesday, Real Sociedad, Aston Villa, Fenerbache, Metz og Manchester City á leikmannsferli sínum.