Efstu liðin fengu skelli

Leikmenn Boston Bruins þurfa að fara yfir málin eftir leikinn …
Leikmenn Boston Bruins þurfa að fara yfir málin eftir leikinn í nótt. AFP

NHL-deildin í íshokkí er allt annað en fyrirsjáanleg en tvö efstu lið deildarinnar fengu bæði skelli í nótt. 

Washington Capitals er með bestan árangur allra liða sem af er tímabilinu. Engu að síður tapaði liðið illa á heimavelli í nótt gegn 2:5. Og það gegn Columbus Blue Jackets  sem er með fimmta versta árangurinn í vetur af þrjátíu einu liði í deildinni. 

Svipaða sögu er að segja af hinni viðureigninni. Boston Bruins sem er með næst besta árangurinn heimsótti Ottawa Seantors sem er með fjórða versta árangurinn. Ottawa vann 5:2. 

Engin stig fást gefins í NHL-deildinni en þrátt fyrir þetta er búist við því að Washington og Boston séu til alls líkleg þegar að úrslitakeppninni kemur næsta vor. 

mbl.is
Fleira áhugavert
Fleira áhugavert