Ráðist á þrjá dómara

Ráðist var á þrjá körfuknattleiksdómara í Aþenu eftir leik Panathinaikos Opap Athens og FC Barcelona í EuroLeague í gær.

Í frétt Eurohoops kemur fram að dómararnir, þeir Luigi Lamonica, Damir Javor og Emin Mogulkoc, hafi verið komnir í leigubifreið sína og á leið frá leikvanginum á hótel sitt er óprúttnir aðilar réðust að þeim.

Lamonica hlaut alvarlegustu meiðslin og var færður á spítala yfir nótt.

Gríska lögreglan rannsakar nú málið.

Gestirnir frá Barcelona unnu leikinn 92:81.

• Blogga um frétt