Gamla ljósmyndin: Skrifaði nýjan kafla í Atlanta
Setja bókamerki
Íþróttadeild Morgunblaðsins og mbl.is heldur áfram að gramsa eftir myndum af íslensku íþróttafólki úr safni blaðsins.
Myndin sem nú er birt er frá sögulegum viðburði í íþróttasögu Íslands þegar Íslendingar áttu í fyrsta skipti keppanda í fimleikakeppni Ólympíuleikanna.
Á myndinni býr Rúnar Alexandersson sig undir keppni á tvíslá á Ólympíuleikunum í Atlanta árið 1996. Myndin er tekin af hinum kunna ljósmyndara, Kristni Ingvarssyni, sem árum saman stóð vaktina fyrir Morgunblaðið og mbl.is.
Rúnar keppti fyrstur Íslendinga í fimleikum á Ólympíuleikum þegar hann keppti í Atlanta 21. og 22. júlí árið 1996.
„Já, ég er ánægður. Þetta var svipað og ég bjóst við,“ sagði Rúnar í samtali við Skapta Hallgrímsson í Morgunblaðinu að frumrauninni lokinni en Rúnar var aðeins 19 ára gamall í Atlanta og fékk sína hæstu einkunn á bogahesti á alþjóðlegu móti fram að þessu: 9,537.
Rúnar fæddist árið 1977 í Rússlandi en fluttist til Íslands á unglingsárum og keppti fyrir Gerplu.
Rúnar keppti á þrennum Ólympíuleikum, 1996, í Sydney árið 2000 og í Aþenu árið 2004.
Irina Sazonova varð síðar fyrsta konan til að keppa fyrir Ísland í fimleikum á Ólympíuleikum þegar hún keppti í Ríó 2016. Þar keppti einnig Eyþóra Elísabet Þórsdóttir sem á íslenska foreldra en keppir fyrir Holland.
Rúnar náði besta árangri íslensks fimleikamanns á Ólympíuleikum frá upphafi þegar hann varð í 7. sæti á bogahesti á Ólympíuleikunum í Aþenu árið 2004.
Rúnar varð þriðji í kjöri íþróttamanns ársins það ár.
Hann komst einnig í úrslit á einstökum áhöldum bæði á heimsmeistara- og Evrópumótum.
Unnu að fullum heillindum að kaupum á TM
Mun fara sparlega með málskotsréttinn
29 nautgripir fundust dauðir
Færa slökkviliðið til nútímans
Almannavarnir auka viðbúnað
„Búið að vera í dreifingu í einhvern tíma“
Mikilvægt að vera á tánum