Norðurlandamótinu í júdó sem átti að fara fram 12.-13. september í Laugardalshöll hefur verið frestað vegna kórónuveirunnar.
Búist var við um 300 júdómönnum víðs vegar að frá Norðurlöndunum. Júdósamband Íslands greindi frá þessu í dag.
Ákvörðunin var tekin af formönnum júdósambanda Norðurlandanna í sameiningu, en stefnt er að því að halda næsta Norðurlandamót á Íslandi í apríl 2021.