Víkingur Reykjavík varð í dag tvöfaldur Íslandsmeistari í liðakeppni í borðtennis. Varð Fossvogsliðið meistari í karla- og kvennaflokki.
Stella Kristjánsdóttir, Agnes Brynjarsdóttir, Nevana Tasic, Þórunn Árnadóttir og Lóa Zink skipa kvennalið Víkings sem hafði betur gegn BH, 3:0.
Karlaliðið mætti KR í úrslitum og vann að lokum nauman 3:2-sigur eftir mikla spennu. Ingi Darvis, Daði F. Guðmundsson og Magnús J. Hjartarson skipa liðið.