Útlit fyrir lengra hlé á keppni

Litlar líkur virðast á því að tilslakanir verði gerðar á takmörkunum á íþróttastarfi frá og með næsta mánudegi. Þórólfur Guðnason sóttvarnalæknir sagði á upplýsingafundi Almannavarna í gær að í grundvallaratriðum teldi hann ekki svigrúm fyrir tilslakanir.

Þetta skýrist þó ekki endanlega fyrr en í dag þegar búist er við viðbrögðum heilbrigðisráðherra við minnisblaði sóttvarnalæknis.

Keppni í öllum íþróttagreinum hefur legið niðri frá 7. október, m.a. hefur verið hlé á Íslandsmótunum í knattspyrnu, handknattleik, körfuknattleik og íshokkíi, og miðað var við næsta mánudag, 19. október. Núgildandi takmarkanir miðast við þá dagsetningu.

Svigrúmið minnkar enn

Miðað við orð Þórólfs í gær er hinsvegar viðbúið að keppni verði frestað enn um sinn þar sem yfirstandandi bylgja faraldursins virðist ekki í rénun. Það mun þrengja enn frekar að Íslandsmótinu í knattspyrnu sem átti að ljúka 31. október en getur framlengst til 1. desember, samkvæmt áætlunum KSÍ.

Greinina má sjá í heild sinni á íþróttasíðum Morgunblaðsins í dag.