Sveinbjörn Iura er úr leik á Grand Slam mótinu í júdó Búdapest í Ungverjalandi en hann tapaði gegn Damian Szwarnowiecki frá Póllandi í dag.
Sveinbjörn keppir í -81kg flokki og mætti þar Pólverjanum sem er í 42. sæti heimslistans. Szwarnowiecki var þó erfiðari andstæðingur en heimslistinn gefur til kynna, hann hafnaði í 5. sæti á HM árið 2018. Keppnisröð mótsins má sjá hér.
Sveinbjörn er einn þeirra íslensku íþróttamanna sem hefur unnið að því síðustu árum að vinna sér keppnisrétt á Ólympíuleikunum í Tókýó sem fara áttu fram í sumar en var frestað þar til næsta sumar. Hann hefur ekki haft tækifæri til að keppa á alþjóðlegum mótum í langan tíma vegna faraldursins en Alþjóða júdósambandið stóð síðast fyrir móti í febrúar.