Tveir Íslendingar tóku þátt á heimsmeistaramótinu í norrænum greinum sem fram fer í Oberstdorf í Þýskalandi og gekk þeim vel í keppni dagsins, liðaspretti.
Þeir Isak Stianson Pedersen og Snorri Einarsson mynduðu íslenska karlaliðið og hófu leik í undanúrslitariðli B ásamt 17 öðrum þjóðum. Þeir voru framarlega um tíma og í áttunda sæti þegar fimm hringir af sex voru liðnir. Því miður gekk ekki sem skyldi í lokasprettinum og var niðurstaðan að lokum 14 sæti sem dugar ekki til að komast áfram í aðalkeppnina.
Þau Gígja Björnsdóttir, Albert Jónsson og Snorri Einarsson munu svo taka þátt í öðrum greinum á næstu dögum.