Styttu bann heimsmeistarans

Alþjóðaíþróttadómstóllinn, CAS, hefur stytt keppnisbann spretthlauparans Christian Coleman um sex mánuði.

Það er BBC sem greinir frá þessu en Coleman, sem er 25 ára gamall Bandaríkjamaður, er ríkjandi heimsmeistari í 100 metra hlaupi karla.

Hann var úrskurðaður í tveggja ára keppnisbann í júní 2020 fyrir að missa af lyfjaprófi í þrígang.

Hann missir því af Ólympíuleikunum í Tókýó sem fram fara í sumar en getur tekið þátt á HM, innan- og utanhúss, á næsta ári.

• Blogga um frétt