Danski landsliðsmaðurinn Christian Eriksen birti í morgun færslu á Instagram þar sem hann þakkaði fyrir stuðninginn eftir að hafa hnigið niður í leik Danmerkur gegn Finnlandi á Evrópumótinu í knattspyrnu á laugardag. Eriksen hafði farið í hjartastopp en var endurlífgaður á Parken.
Í færslunni segist Eriksen vera góður miðað við aðstæður. Hann segir að stuðningur og kveðjur í kjölfar atviksins skipti sig og fjölskyldu sína miklu máli.
„Ég á enn eftir að fara í gegnum einhverjar rannsóknir á sjúkrahúsinu, en mér líður allt í lagi,“ skrifar Eriksen.
„Núna mun ég hvetja strákana í danska liðinu áfram í næstu leikjum. Spilið fyrir alla Danmörku,“ segir Eriksen í lok færslunnar.
Hálf milljón hafði lækað færsluna hálftíma eftir að hún var birt.
Tottenham endurbirti mynd Eriksens og sendir honum bataóskir.
Speedy recovery, @ChrisEriksen8.
— Tottenham Hotspur (@SpursOfficial) June 15, 2021
We’re all with you! 🤍 pic.twitter.com/rqVrFwBN6r
A message from @ChrisEriksen8.
— DBU - En Del Af Noget Større (@DBUfodbold) June 15, 2021
♥️🤍 pic.twitter.com/WDTHjqE94w