Perisic hetja Króatíu gegn Tékklandi
Setja bókamerki
Ivan Perisic reyndist hetja Króatíu gegn Tékklandi þegar liðin mættust í D-riðli Evrópumóts karla í knattspyrnu á Hampden Park í Glasgow í Skotlandi í dag.
Leiknum lauk með 1:1-jafntefli en Perisic jafnaði metin fyrir Króata strax í upphafi síðari hálfleiks.
Patrick Schick kom Tékkum yfir á 37. mínútu með marki úr vítaspyrnu eftir að Dejan Lovren, varnarmaður Króata, hafði gefið Shick olnbogaskot innan teigs.
Carlos Del Cerro, dómari leiksins, studdist við VAR-myndbandsdómgæsluna áður en hann benti á punktinn en Króatar voru afar ósáttir með vítaspyrnudóminn.
Perisic jafnaði metin fyrir Króatíu á 47. mínútu með laglegu einstaklingsframtaki en Andrej Kramaric sendi Perisic í gegn eftir snögga aukaspyrnu.
Perisic fór illa með Vladimir Coufal sem rann á rassinn þegar hann reyndi að verjast Króatanum og Perisic þrumaði boltanum með hægri fæti í bláhornið, utarlega í teignum.
Tékkar eru með 4 stig í efsta sæti riðilsins en Króatar eru í þriðja sætinu með 1 stig.
England er með 3 stig í öðru sætinu og mætir Skotlandi á Wembley síðar í kvöld.
Í lokaumferðinni mætast svo Tékkland og England annars vegar í London og Króatía og Skotland í Glasgow.
Handtekin eftir að tvö börn fundust látin
Hernaðaraðstoð samþykkt – Vopnasendingar í vikunni
Verðbólgan komin niður í 6%
„Það þarf að vinna mikinn fjölda upp“
Skar höfuðleðrið af íslenskri konu
„Okkur miðar í rétta átt“
Árshátíð ríkislögreglustjóra haldin í Tékklandi
„Hvílir mikil leynd yfir þessu öllu“