Rússinn Daniil Medvedev vann sannfærandi sigur gegn Serbanum Novak Djokovic í úrslitum Opna bandaríska meistaramótsins í tennis í New York í gærkvöldi.
Djokovic sá aldrei til sólar og vann Medvedev öll þrjú settin; 6:4, 6:4 og 6:4.
Rússinn hafði tapað síðustu tveimur úrslitaleikjum sínum um risatitil en sýndi mikla ró og öryggi í úrslitum gærkvöldsins. Þetta var hans fyrsti risatitill í tennis en hann hefur þó unnið 13 titla í heild á ferlinum.
Á meðan lét Djokovic tilfinningar sínar bera sig ofurliði og gerði sig nokkrum sinnum sekan um byrjendamistök. Undir lokin grét hann, afar svekktur yfir frammistöðu sinni.