Engir almennir áhorfendur í Peking

Almennir áhorfendur fá ekki að kaupa miða á Vetrarólympíuleikana í Peking sem hefjast í næsta mánuði í Kína. Það er Sportsmail sem greinir frá þessu. 

Frétt af mbl.is

Ná ekki að hemja útbreiðslu rétt fyrir leikana

Til stóð að almenningur í Kína fengi að kaupa miða á leikana en af því verður ekki vegna hraðrar útbreiðslu kórónuveirunnar í landinu. 

Mótahaldarar í Peking höfðu gefið það út að erlendir áhorfendur fengju ekki að koma inn í landið til þess að fylgjast með leikunum í ár.

Í tilkynningu frá mótahöldurum í Kína kemur hins vegar fram að útvöldum verði boðið á leikana en þeir áhorfendur munu þurfa að fylgja ströngum sóttvarnarreglum bæði fyrir og á meðan leikunum stendur.

• Blogga um frétt