Formúlu-1 kappakstrinum sem átti að fara fram í Rússlandi í september næstkomandi hefur verið aflýst vegna innrásar Rússa í Úkraínu.
Þetta kemur fram í tilkynningu frá Formúlu-1 í dag.
Þar sagði meðal annars „að ómögulegt sé að halda kappaksturinn í Rússlandi við núverandi kringumstæður.“
Kappaksturinn átti að fara fram þann 25. september næstkomandi í Sochi en nú er ljóst að ekkert verður af því.
Í yfirlýsingu Formúlu-1 sagði einnig að samtökin fylgdust náið með ástandinu í Úkraínu og að þau vonist eftir skjótri og friðsamlegri lausn.