FH-ingar gerðu sér lítið fyrir og urðu þrefaldir bikarmeistarar í frjálsum íþróttum er 55. bikarkeppni FRÍ var haldin á frjálsíþróttasvæði Breiðabliks í dag.
FH varð bikarmeistari í karla- og kvennaflokki og í leiðinni í heildarstigakeppninni. FH fékk alls 110 stig, 20 stigum meira en ÍR sem varð í öðru sæti. Breiðablik endaði í þriðja sæti með 75 stig.
Í 20 greinum vann FH tólf, ÍR vann fimm og Breiðablik þrjár.
Elísabet Rut Rúnarsdóttir, Íslandsmethafi í sleggjukasti, setti nýtt mótsmet er hún kastaði 60,94 metra.
Öll úrslit mótsins má sjá með því að smella hér.